თითოეულ შეხვედრაზე გავაჟღერეთ ჩვენი გზავნილები, რომელიც დაკავშირებულია ჩვენს ქვეყანასთან, ჩვენი ქვეყნის გარშემო არსებულ ვითარებასთან და ყველა შესაბამისი გზავნილი არის მნიშვნელოვანი ჩვენი ქვეყნისთვის, – განაცხადა საქართველოს პრემიერ-მინისტრმა, ირაკლი კობახიძემ ნიუ-იორკში ქართველ ჟურნალისტებთან.
მთავრობის მეთაურმა გაეროს გენერალურ ასამბლეაზე ვიზიტი შეაჯამა.
„ვასრულებთ ჩვენს ვიზიტს გაეროში, ნიუ იორკში, გვქონდა გამოსვლა სხვადასხვა პლატფორმაზე, ეს იყო უშიშროების საბჭო, პლენარული სესია, მომავლის სამიტი და რა თქმა უნდა, თითოეულ შემთხვევაში გავაჟღერეთ ჩვენი გზავნილები, რომელიც დაკავშირებულია ჩვენს ქვეყანასთან, ჩვენი ქვეყნის გარშემო არსებულ ვითარებასთან და ყველა შესაბამისი გზავნილი არის მნიშვნელოვანი ჩვენი ქვეყნისთვის. ჩვენ გვქონდა ასევე ორმხრივი შეხვედრები, ძალიან მნიშვნელოვანი იყო გაეროს გენერალურ მდივანთან ორმხრივი შეხვედრა, ასევე ევროსაბჭოს გენერალურ მდივანთან ორმხრივი შეხვედრა. აქაც საუბარი გვქონდა ყველა თემაზე, რაც უკავშირდება ჩვენს ქვეყანაში მიმდინარე პროცესებს, ჩვენი ქვეყნის განვითარებას, ჩვენი ქვეყნის გარშემო მიმდინარე პროცესებს, ეს იყო ჩვენი შეხვედრების მთავარი შინაარსი“, – განაცხადა ირაკლი კობახიძემ.
