ერთ-ერთი მკვლელმა, რომას მკვლელობიდან ერთი წლის შემდეგ, იყიდა ბინა ჩემს გვერდით კორპუსში და დასახლდა. წარმოგიდგენიათ თქვენ, რა დანაშაულს ჩადიოდნენ?! მინდა მსოფლიომ გაიგოს თუ ვინ და რას წარმოადგენდა მაშინდელი მთავრობა, – განაცხადა 2008 წლის აგვისტოს ომის მონაწილის, “ნაცმოძრაობის” რეჟიმის მიერ მოკლული სერჟანტის, როინ შავაძის მეუღლემ, ციცინო შავაძემ, პარლამენტის დროებითი საგამოძიებო კომისიის სხდომაზე.
ციცინო შავაძის თქმით, მას დასაკარგი აღარაფერი აქვს, არც ოჯახი, არც ბედნიერება და არც მომავალი, ხალხს მოუწოდებს, რომ „ნაციონალური მოძრაობის“ ნდობა არ შეიძლება.
„მინდა, რომ „ნაციონალური მოძრაობა“ და მათი მოდგმა არ არსებობდეს. ვიცი, რომ ბოროტებას ვამბობ, მაგრამ ყველას მოვუწოდებ, რომ ჩვენ დასაკარგი არაფერი აღარ გვაქვს. ჩვენ აღარ გვაქვს არც ოჯახი, არც ბედნიერება და არც მომავალი. იფიქრონ კარგად და გააკეთონ ყველაფერი სამართლიანად. არ შეიძლება ამ ხალხს ენდო. კიდევ ერთხელ ვამბობ, რომ გაჩერებას არ ვაპირებ ერთადერთი თხოვნა მაქვს, ხომ ვიღაცამ დაუკვეთა ეს, დაიჭირეს მკვლელები, ყველამ აღიარა, რომ იყვნენ ადგილზე, ჩაიდინეს ჯგუფურად მკვლელობა. მაინტერესებს ვის მოუვიდა თავში ეს, ვიღაცამ ხომ გასცა ბრძანება, რომ გაეკეთებინათ ეს “კუდ”-ის თანამშრომლებს. “კუდ”-ის თანამშრომლები ამას ისე ხომ ვერ ჩაიდენდნენ, თუ არ ექნებოდათ ბრძანება. ისიც გავიგე, რომ როდესაც ამ ბიჭების აყვანა მოხდა, მეორე დღეს საქართველო დატოვა მერაბიშვილმა. რას უკავშირდება ეს, არ ვიცი. თხოვნა მაქვს, თუ ვინმემ რამე იცით, ამ თემასთან დაკავშირებით, რომ ვის მოუვიდა, რისთვის დაიგეგმა ეს. დასჯილ იქნენ დამკვეთები, მეტი არაფერი“, – განაცხადა ციცინო შავაძემ.
