სიმართლე იქით არის, რომ უბრალოდ კი არ ჩასულა ანრი ოხანაშვილი და კი არ წამოუყვანია, კინოს სცენარისტის მიერ მოგონილი სპეცოპერაცია კი არ ჩაუტარებია, უბრალოდ მოძვრებოდა [საქართველოში] ვიღაცის, ან რაღაცის შიშის გამო და დააკავეს, – აღნიშნა „ქართული ოცნების“ აღმასრულებელმა მდივანმა და საპარლამენტო უმრავლესობის ლიდერმა მამუკა მდინარაძემ გიორგი ბაჩიაშვილის განცხადებასთან დაკავშირებით, სადაც ის ამბობს, რომ საქართველოში მოტყუებით ჩამოიყვანეს და ამაში მონაწილეობდა სუს-ის უფროსი ანრი ოხანაშვილი.
„მივყვეთ იმ ვერსიას, სადაც ანრი ოხანაშვილი და საქართველოს სპეცსამსახურები უფრო მაგრები არიან, ვიდრე M16, „მოსადი“ და მსოფლიოს უსაფრთხოების სხვა სამსახურები. დიდი მადლობა, რომ ასეთ რეკლამას უკეთებთ ქართულ უსაფრთხოების სამსახურს. გამოდის, რომ ანრი ოხანაშვილი დუბაიში ჩავიდა და მოიტაცა ადამიანი. გატაცება რატომაა?! როდესაც დამნაშავეა ადამიანი, მსჯავრდადებულია და სხვა ქვეყანაში ჩადის უსაფრთხოების სამსახური და აკავებს, ამას ჰქვია სპეცოპერაცია. [დაკავების] პირველ დღეს რატომ არ ახსენა [ბაჩიაშვილმა გატაცება], გაიტაცეს ციხიდან და შეეშინდა?! სუს-ი ამტკიცებს, რომ საზღვართან დააკავეს. მე უფრო გამიხარდებოდა ის ვერსია, რასაც ბაჩიაშვილი ამტკიცებს, მაგრამ სიმართლე იქით არის, რომ უბრალოდ კი არ ჩასულა ანრი ოხანაშვილი და კი არ წამოუყვანია, კინოს სცენარისტის მიერ მოგონილი სპეცოპერაცია კი არ ჩაუტარებია, უბრალოდ მოძვრებოდა [საქართველოში] ვიღაცის, ან რაღაცის შიშის გამო და დააკავეს მწვანე ზოლთან ახლოს“, – აღნიშნა მდინარაძემ.
