ჩვენ ვამაყობთ ტოლერანტობით, ეს არის ქართული კულტურის შემადგენელი ნაწილი. თქვენ ძალიან კარგად იცით, რომ კანონმდებლობის დონეზეც არის შექმნილი ძალიან მყარი გარანტიები ამ თვალსაზრისით, ყველა მიმართულებით. მათ შორის, იმ უმცირესობების კუთხით, რომელთან დაკავშირებითაც გარკვეულ პირობებს გვიყენებს ახლა ევროპული ბიუროკრატია, – განაცხადა პრემიერ-მინისტრმა, ირაკლი კობახიძემ დღეს გამართულ ბრიფინგზე.
მისი თქმით, საქართველოში ადამიანის უფლებები განუხრელად არის დაცული.
„ჩვენ ვამაყობთ ტოლერანტობით, ეს არის ქართული კულტურის შემადგენელი ნაწილი. თქვენ ძალიან კარგად იცით, რომ კანონმდებლობის დონეზეც არის შექმნილი ძალიან მყარი გარანტიები ამ თვალსაზრისით, ყველა მიმართულებით. მათ შორის, იმ უმცირესობების კუთხით, რომელთან დაკავშირებითაც გარკვეულ პირობებს გვიყენებს ახლა ევროპული ბიუროკრატია. ჩვენთან არის ადამიანის უფლებები განუხრელად დაცული. სხვათა შორის, აქაც უნდა გავიხსენოთ, რომ წინა ხელისუფლების პირობებში, როდესაც ქვეყანაში მოქმედებდა სისხლიანი რეჟიმი, უმძიმესი რეჟიმი, მაშინ სწორედ ამ უმცირესობების უფლებები იყო განსაკუთრებულად ხელყოფილი და დარღვეული. იყო ფარული ჩანაწერები, ათასგვარი ფორმით პირადი ცხოვრების ხელყოფა, პირველ რიგში, შანტაჟის მიზნით. ეს პრაქტიკა აღიკვეთა 2012 წლის შემდეგ საქართველოში. ყველაფერი არის მაქსიმალურად მკაცრად დაცული. ერთადერთი, ჩვენ რასაც ვუპირისპირდებით, არის მანკიერი პროპაგანდა და ამასთან დაკავშირებით აქვთ შენიშვნები ევროპელ პარტნიორებს, თუმცა ვფიქრობთ, საზოგადოება არის დასაცავი იმ მანკიერი პროპაგანდისგან, რომელიც არის ძალიან ფართოდ გავრცელებული მთელი მსოფლიოს მასშტაბით. ქართული საზოგადოება ამ მანკიერი პროპაგანდისგან ჩვენ აუცილებლად უნდა დავიცვათ“, – განაცხადა ირაკლი კობახიძემ.
