მმართველი გუნდის წარმომადგენლები GORBI-ის კვლევის შედეგებს აფასებენ. „ქართული ოცნების“ ვაკის რაიონის დელეგატი ზუკა რურუა აღნიშნავს, რომ რეიტინგები ხალხის მხრიდან პროცესების სწორად შეფასებას ადასტურებს.
„ქართული ოცნება“ ლიდერობს, რა თქმა უნდა. წინა არჩევნებთან დაკავშირებითაც მინდა, საზოგადოებას შევახსენო, რომ „გორბის“ კვლევები ემთხვეოდა იმ რეალურ შედეგებს, რაც საპარლამენტო არჩევნებში იყო. ეს კვლევები ხალხის მხრიდან სანდოობას იმიტომ ამჟღავნებს, რომ უკვე მრავალი წლის განმავლობაში ოპოზიციის მხრიდან არის უმოქმედობა. ქართველი ხალხი სწორად აფასებს შედეგებს და კვლევებიც გვიდასტურებს ამას“, – განაცხადა რურუამ.
GORBI-ის კითხვაზე, რომელ პარტიას უჭერთ მხარს ქვეყნის მასშტაბით გამოკითხულთა 65,9% -მა „ქართული ოცნება“ დაასახელა, 10,7% მხარს უჭერს „გახარია საქართველოსთვის“, „ლელო“ – 10,4%, „გირჩი“ – 5,1 %.
