საქართველოს ყოფილმა პრეზიდენტმა მიხეილ სააკაშვილმა 2008 წელს რუსეთთან ომის პროვოცირება მოახდინა, როცა უგუნურებით დაიჯერა, რომ საქართველოს ნატოში მიიღებდნენ. სტატიას ამ შინაარსით The American Conservative-ი აქვეყნებს.
„დღესდღეობით საქართველოსა და რუსეთს შორის დიპლომატიური ურთიერთობები არ არის. მათი ფორმალური ურთიერთობები 2008 წლის ომის შემდეგ გაფუჭდა, რომელიც, როგორც ახლა ირკვევა, იყო პროვოცირებული იმდროინდელი პრეზიდენტის მიხეილ სააკაშვილის მიერ მას შემდეგ, რაც მან უგუნურებით სერიოზულად დაიჯერა აშშ-ის განცხადებები, რომ საქართველოს წევრობა ნატოში გარდაუვალი იყო“, – წერია სტატიაში.
სტატიის ავტორის თქმით, სააკაშვილმა სამხრეთ ოსეთში კონფლიქტი რეგიონის საქართველოს შემადგენლობაში რეინტეგრაციის მიზნით გაამწვავა. ამას მოჰყვა ომი, რამაც ვლადიმერ პუტინის მთავრობისადმი ქართული მხარის პოზიცია გაამკაცრა. ეს დღემდეც ასეა.
„ახლა, იმის ნაცვლად, რომ დასავლურ ძალებს სინდისი აწუხებდეთ, დასავლელი ლიბერალები საქართველოზე ზეწოლას აძლიერებენ“, – აღნიშნულია სტატიაში.
