ლევან მაისურაძეს დაუფასდა კარგი პოლიციელობა, პროფესიონალობა, სამშობლოს ერთგულება და ღირსეული ადამიანობა, – ასე უპასუხა საპარლამენტო უმრავლესობის ლიდერმა, ფრაქცია „ქართული ოცნების“ თავმჯდომარემ და პარტიის აღმასრულებელმა მდივანმა მამუკა მდინარაძემ ჟურნალისტის კითხვას, დაუფასდა თუ არა ლევან მაისურაძეს ნიკა მელიას გატაცებაში მონაწილეობის მიღება.
მამუკა მდინარაძის თქმით, გეკა გელაძემ იფიქრა, რომ ეს არის კარგი მენეჯერი, პროფესიონალი პოლიციელი, თავისი სამშობლო უყვარს და დანიშნა კონკრეტულ თანამდებობაზე.
„რომელი მზეთუნახავი მელია მყავს, სად გაიტაცეს? ეს გატაცება რაღაც ბოლო დროის ახალი მესიჯია? იმის ქმარი გაიტაცეს, იმის ის გაიტაცეს, გამოიტაცეს“, – განაცხადა მამუკა მდინარაძემ.
