შინაგან საქმეთა სამინისტროს საზოგადოებრივი უსაფრთხოების მართვის ცენტრი „112“-ის დირექტორმა, გიორგი არსოშვილმა და შპს „საქართველოს აეროპორტების გაერთიანების“ დირექტორმა, ირაკლი ქარქაშაძემ ურთიერთთანამშრომლობის მემორანდუმი გააფორმეს. მემორანდუმის გაფორმების მიზანს მხარეებს შორის თანამშრომლობის გაღრმავება წარმოადგენს. თანამშრომლობის ფარგლებში, საზოგადოებრივი უსაფრთხოების მართვის ცენტრ „112“-ის სასწავლო ცენტრში შპს „საქართველოს აეროპორტების გაერთიანების“ თანამშრომლებს, მომსახურების ხარისხის გაუმჯობესების და კვალიფიკაციის ამაღლების მიმართულებით შესაბამისი სწავლება ჩაუტარდებათ. შეხვედრის დასასრულს, „საქართველოს აეროპორტების გაერთიანების“ ხელმძღვანელმა „112“-ის დირექტორს თანამშრომლობისთვის მადლობა გადაუხადა. – აღნიშნულია შსს-ის მიერ გავრცელებულ ინფორმაციაში.
![](https://news24.ge/wp-content/uploads/2024/04/432955600_862329002607627_8794097739618082631_n-1024x682.jpg)
![](https://news24.ge/wp-content/uploads/2024/04/434843894_862329012607626_6655356739770486613_n-1-1024x682.jpg)