ორშაბათი, ივნისი 17, 2024
Google search engine
Homeმთავარი ამბავიმამუკა მდინარაძე: წარმოუდგენელია, რომ რუსული კანონი დაარქვას რომელიმე ელჩმა იმ კანონს, რომელსაც...

მამუკა მდინარაძე: წარმოუდგენელია, რომ რუსული კანონი დაარქვას რომელიმე ელჩმა იმ კანონს, რომელსაც თავად ევროკავშირი განიხილავს

რატომ შეიძლება ჩაეკეტოს ქვეყანას გზა ევროპისკენ თუ ის მიიღებს ანალოგიურ კანონს, რაც არის მიღებული აშშ-ში, ისრაელში, ავსტრალიაში და რომელსაც განიხილავს ევროკავშირი?!, – ამის შესახებ „ქართული ოცნების“ აღმასრულებელმა მდივანმა და საპარლამენტო უმრავლესობის ლიდერმა მამუკა მდინარაძემ განაცხადა.

მისი თქმით, წარმოუდგენელია, რომ რუსული კანონი დაარქვას რომელიმე ელჩმა იმ კანონს, რომელსაც თავად ევროკავშირი განიხილავს.

„ჩვენთვის მნიშვნელობა არ აქვს ვინ მიაწოდებს არასწორ ინფორმაციას საზოგადოებას. ჩვენ გვაქვს იმის ძალა და დამოუკიდებლობის ის ხარისხი, ქართველ ხალხს ვუთხრათ, რომ თუ ტყუილს იტყვის, ვინც არ უნდა იყოს და მითუმეტეს თუ პარტნიორი ქვეყნის წარმომადგენელი იქნება, იმის ძალა გაგვაჩნია, რომ ვთქვათ – ეს არის ტყუილი. უნდა გაგვაჩნდეს იმის ძალა, რომ არასწორ ინფორმაციას დავარქვათ არასწორი ინფორმაცია. „რუსული კანონია და დამთავრდა“ – ასე არ გამოვა. ეს არის კანონი, რომელიც ითვალისწინებს მხოლოდ დეკლარირების ვალდებულებას და ამაში რა არის რუსული. ტყუილია, რომ ეს არის რუსული კანონი. ვინ იტყვის ტყუილს და ვინ შეჰყვება ტყუილ ნარატივს, არ აქვს მნიშვნელობა. ჩვენ ქართველ ხალხს ჩვენი პასუხისმგებლობიდან, დამოუკიდებლობის ხარისხიდან, სუვერენიტეტის ხარისხიდან, ეროვნული თავმოყვარეობის ხარისხიდან გამომდინარე უნდა ვუთხრათ, ვინც რაც არ უნდა თქვა, წმინდანების დონეზე არავინ არ უნდა ავიყვანოთ, ეს ადამიანი ავრცელებს არასწორ ინფორმაციას“, – აღნიშნა მდინარაძემ.

- Advertisment -
Google search engine

პოპულარული

>