შაბათი, ივნისი 22, 2024
Google search engine
Homeმთავარი ამბავიმამუკა მდინარაძე: „ქართული ოცნების“ საპატიო თავმჯდომარე ბიძინა ივანიშვილი საქმის კურსშია დეტალურად და...

მამუკა მდინარაძე: „ქართული ოცნების“ საპატიო თავმჯდომარე ბიძინა ივანიშვილი საქმის კურსშია დეტალურად და იზიარებს ამ განცხადების პათოსს

„ქართული ოცნების“ საპატიო თავმჯდომარე საქმის კურსშია დეტალურად და იზიარებს ამ განცხადების პათოსს, – განაცხადა „ქართული ოცნების“ აღმასრულებელმა მდივანმა და საპარლამენტო უმრავლესობის ლიდერმა მამუკა მდინარაძემ „უცხოური გავლენის გამჭვირვალობის შესახებ“ კანონპროექტის პარლამენტში ხელახლა წარდგენის გადაწყვეტილების შესახებ.

მისი განმარტებით, უმრავლესობის გუშინდელ სხდომაში, რომელზეც აღნიშნული გადაწყვეტილება მიიღეს, ბიძინა ივანიშვილი არ მონაწილეობდა.

„უმრავლესობის გუშინდელ სხდომაზე პარტიის საპატიო თავმჯდომარე მონაწილეობას არ იღებდა. თუმცა, ამასთან დაკავშირებით მასთან კონსულტაციები გვქონდა და ამ საკითხში ის ჩვენი თანამოაზრეა. პოლიტიკური საბჭოს ყველა წევრი არის ამ საკითხის თანამოაზრე. ამაზე საუბარი დაიწყო გუშინწინ უმრავლესობის ტრადიციულ სხდომაზე და გუშინ მივიღეთ ეს გადაწყვეტილება, რაც ჩვენს განცხადებაში აისახა. პოლიტსაბჭოს ყველა წევრი, მათ შორის საპატიო თავმჯდომარე საქმის კურსშია დეტალურად და იზიარებს ამ განცხადების პათოსს, სიტყვა-სიტყვით ყველანი ვართ ერთ აზრზე“, – განაცხადა მამუკა მდინარაძემ.

საპარლამენტო უმრავლესობამ, პარტიის პოლიტიკურ საბჭოსთან კონსულტაციის შემდეგ, მიიღო გადაწყვეტილება, პარლამენტში ხელახლა წარადგინოს კანონპროექტი „უცხოური გავლენის გამჭვირვალობის შესახებ“.

- Advertisment -
Google search engine

პოპულარული

>