შაბათი, ივნისი 22, 2024
Google search engine
Homeმთავარი ამბავიირაკლი კობახიძე: მთავარი არის ეროვნული ღირსებისა და პრინციპების ბოლომდე დაცვა. ამას თუ...

ირაკლი კობახიძე: მთავარი არის ეროვნული ღირსებისა და პრინციპების ბოლომდე დაცვა. ამას თუ გააკეთებ, ამ შემთხვევაში შედეგებს მიიღებ ყველა მიმართულებით – ამ კანონსაც მივიღებთ და ევროკავშირის წევრიც გავხდებით ყველაზე ადრე

მთავარი არის ეროვნული ღირსებისა და პრინციპების ბოლომდე დაცვა. ამას თუ გააკეთებ, ამ შემთხვევაში შედეგებს მიიღებ ყველა მიმართულებით – ამ კანონსაც მივიღებთ და ევროკავშირის წევრიც გავხდებით ყველაზე ადრე, – ამის შესახებ ირაკლი კობახიძემ მთავრობის ადმინისტრაციაში ჟურნალისტებთან საუბრისას განაცხადა.

პრემიერ-მინისტრმა გაიხსენა მოვლენები, რომლებიც საქართველოსთვის კანდიდატის სტატუსის მონიჭებას უძღოდა წინ და აქცენტი პრინციპულობაზე გააკეთა.

„თუ იქნები პრინციპული შენს გადაწყვეტილებებში იგივე შედეგს მიიღებ – შეინარჩუნებ მშვიდობას, სტაბილურობას და წახვალ კიდევ უფრო წინ ევროინტეგრაციის მიმართულებით. მაშინ ჩვენ პრინციპულად რომ არ გვებრძოლა, ბოლომდე რომ არ გაგვეტანა ყველაფერი, დღეს არ გვექნებოდა არც მშვიდობა, შესაბამისად, არც სტაბილურობა და უკან მოგვრჩებოდა საერთოდ ევროკავშირი, როგორც ეს უკრაინის შემთხვევაში ხდება“, – განაცხადა პრემიერმა.

- Advertisment -
Google search engine

პოპულარული

>