სწორედ ქართული პოლიცია უზრუნველყოფს ჩვენი ქვეყნის მშვიდ და გამართულ ფუნქციონირებას, თითოეული ოჯახის, ადამიანის ყოველდღიურ უსაფრთხოებას და დაცულობას, – ამის შესახებ საქართველოს პარლამენტის თავმჯდომარე, შალვა პაპუაშვილმა პოლიციელის დღისადმი მიძღვნილ საზეიმო ღონისძიებაზე სიტყვით გამოსვლისას განაცხადა.
„ქედს ვიხრი თითოეული პოლიციელის ვაჟკაცობის, სიმამაცის, სამშობლოსადმი სიყვარულისა და ერთგულების წინაშე. ქედს ვიხრი იმ პოლიციელების ხსოვნის წინაშე, რომლებმაც სამშობლოს ყველაზე ძვირფასი, საკუთარი სიცოცხლე და ჯანმრთელობა შესწირეს. უდიდეს პატივისცემასა და თანადგომას იმსახურებენ მათი ოჯახები“, – აღნიშნა შალვა პაპუაშვილმა.
