პარასკევი, ივლისი 19, 2024
Google search engine
Homeმთავარი ამბავიხვიჩა კვარაცხელია პორტუგალიასთან მატჩის საუკეთესო მოთამაშედ დასახელდა

ხვიჩა კვარაცხელია პორტუგალიასთან მატჩის საუკეთესო მოთამაშედ დასახელდა

საქართველოს ნაკრებმა ევროპის ჩემპიონატის ჯგუფური ეტაპის მესამე ტურის მატჩში პორტუგალია 2:0 დაამარცხა და მერვედფინალში გავიდა.

მატჩში პირველი გოლი მე-2 წუთზე ხვიჩა კვარაცხელიამ გაიტანა, მან გიორგი მიქაუტაძის გადაცემა გამოიყენა. 57-ე წუთზე თავად მიქაუტაძემ გაიტანა, მან პენალტი ზუსტად შეასრულა.

უეფა-მ საქართველოსა და პორტუგალიის მატჩის საუკეთესო მოთამაშედ ხვიჩა კვარაცხელია დაასახელა. ხვიჩა მთელი შეხვედრის განმავლობაში ძალიან აქტიური იყო. გოლის გარდა, მან კარში ზუსტად ორჯერ დაარტყა, ორიდან ორი წარმატებული დრიბლინგი ჰქონდა, რვა დუელი მოიგო და მეტოქეები ოთხჯერ დააჯარიმა.

საერთაშორისო ანალიტიკურმა პორტალმა, Sofascore-მა კვარაცხელიას თამაში 7.9 ქულით შეაფასა.

შეგახსენებთ, რომ ევრო 2024-ის ჯგუფური ეტაპის მეორე ტურის მატჩში, ჩეხეთთან საუკეთესო ფეხბურთელად გიორგი მამარდაშვილი აირჩიეს.

- Advertisment -
Google search engine

პოპულარული

>