ჩვენ დღევანდელი მოცემულობით, გვაქვს დაახლოებით 60 პროცენტი მაჩვენებელი. ასეთ ვითარებაში, როგორც არ უნდა გაერთიანდეს რომელიმე ოპოზიციური პარტია სხვა პარტიებთან, რა თქმა უნდა, საერთო კონფიგურაცია ვერ, – ამის შესახებ საქართველოს პრემიერ-მინისტრმა ირაკლი კობახიძემ ჟურნალისტებს განუცხადა.
მისივე თქმით, საერთო კონფიგურაცია არის ის, რომ ამ არჩევნებს ძალიან მძიმედ წააგებს კოლექტიური „ნაც. მოძრაობა“.
„რეალურად, ისინი ხედავენ, რომ ცალკე აღებული პოლიტიკური პარტიები ვერ ახერხებენ ბარიერის გადალახვას და აქედან გამომდინარე, იმისათვის, რომ „ნაც. მოძრაობამ“ საბოლოო ჯამში მოახერხოს რაღაცნაირად მეტი დეპუტატის გარშემო ოპოზიციური, ასე ვთქვათ, ერთობის შეკვრა, მის ინტერესშია, რა თქმა უნდა, რომ შედარებით მეტმა „ნაც.მოძრაობის“ ფილიალმა გადალახოს ბარიერი. ამიტომ, მოუწოდებს, რა თქმა უნდა, „ნაც. მოძრაობის“ წარმომადგენელი გიორგი ვაშაძე სხვა „ნაციონალებს“, როგორიც არიან გახარია, ხაზარაძე და სხვები, რომ გაერთიანდნენ. ანუ, მათ სურთ, რომ მინიმუმ, სადღაც 40-50 დეპუტატით იყოს წარმოდგენილი კოლექტიური „ნაც.მოძრაობა“ პარლამენტში. ამისათვის, სჭირდებათ მათ იმ პოლიტიკური პარტიების გაერთიანება, რომლებიც დღევანდელი მდგომარეობით ვერ ლახავენ 5 პროცენტიან ბარიერს.
კონფიგურაცია რეალურად ერთადერთ რამეს ცვლის, რომ ოპოზიცია პარლამენტში იქნება წარმოდგენილი 40-ის მაგივრად, დავუშვათ, 45 ან 50 დეპუტატით, ეს არის ერთადერთი განსხვავება.
ჩვენ დღევანდელი მოცემულობით, გვაქვს დაახლოებით 60 პროცენტი მაჩვენებელი. ასეთ ვითარებაში, როგორც არ უნდა გაერთიანდეს რომელიმე ოპოზიციური პარტია სხვა პარტიებთან, რა თქმა უნდა, საერთო კონფიგურაცია ვერ შეიცვლება და საერთო კონფიგურაცია არის ის, რომ ამ არჩევნებს ძალიან მძიმედ წააგებს, რა თქმა უნდა, კოლექტიური „ნაც. მოძრაობა“, – აღნიშნა ირაკლი კობახიძემ.
