ჩვენთან სტუმრად ჩამოსული ბატონი როთი, პრაიდის ხელმძღვანელები, სხვადასხვა არასამთავრობო ორგანიზაციები, „ნაცები“ თავის კლასტერებით, „ლელო“, „გახარია“, „ახალი“, ე.წ. გვარამიას პარტია და ა.შ. არც ერთი არ არის დღეს კანონის განხილვაზე. ეს იმას ნიშნავს, რომ ესენი არიან ლგბტ პროპაგანდის მხარეს, – განაცხადა „ქართული ოცნების” აღმასრულებელმა მდივანმა და საპარლამენტო უმრავლესობის ლიდერმა, მამუკა მდინარაძემ.
„ეს ხალხი თავისი პატრონებიანად არის ლგბტ პროპაგანდის მხარეს და ეს არის მიმართულება, რომელსაც შეიძლება 2-3 თაობაში მავნე შედეგები ჰქონდეს, თუნდაც დემოგრაფიული თვალსაზრისით.
დემოგრაფიული თვალსაზრისთ ისეთი მავნე შედეგები შეიძლება ჰქონდეს, რაც ვერ მოახერხა საუკუნეების განმავლობაში ვერც ერთმა დამპყრობელმა. 2-3 თაობაში შეიძლება ეს ყველაფერი ამოკვეთონ და ლგბტ პროპაგანდა არისა ამისი იარაღი.
ჩვენ არც ერთ, რაიმე განსხვავების მქონე ადამიანს შეხედულების დონეზეც კი, არა თუ სექსუალური ორიენტაციის, არაფერს ვერჩით, პირიქით ჩვენ ვიცავთ მათ უფლებებს ზედმიწევნით. მაგრამ ლგბტ პროპაგანდას ვერ დავუშვებთ ამ ქვეყანაში, ვერც ერთნაირ სქესიანთა ქორწინებას და ამას საკონსტიტუციო უმრავლესობით როდესაც მოვალთ შემდეგი მოწვევის პარლამენტში, კონსტიტუციაშიც ავსახავთ“,- აღნიშნა მამუკა მდინარაძემ.
