საპატრულო პოლიციის დეპარტამენტის დირექტორმა ვაჟა სირაძემ გუშინდელი აქციის დროს პოლიციელზე ძალადობის ფაქტი დაგმო და აქციის მონაწილეებს მოუწოდა, რომ ძალადობა დაუსჯელი არ დარჩება.
„აქციის ერთ-ერთმა მონაწილემ, რაც დაფიქსირებულია კიდეც სხვადასხვა ტელევიზიის მიერ, იძალადა საპატრულო პოლიციის თანამშრომელზე. ფაქტზე მყისიერად დაიწყო გამოძიება. პირი დაკავებულია. მოვუწოდებ აქციის მონაწილეებს, რომ უმკაცრესად იქნება დასჯილი ყველა ის პირი, ვინც დაარღვევს კანონს და განსაკუთრებით პოლიციელის მიმართ მსგავსი ხასიათის საქციელს გამოავლენს. ყველასთვის მიუღებელი და ცუდი ფაქტია. როგორც აქციის მონაწილეებს, ასევე ორგანიზატორებს კარგად უნდა ესმოდეთ, რომ ამგვარი სახის ძალადობა არ დარჩება დაუსჯელი“, – აღნიშნა ვაჟა სირაძემ.
აქციაზე პოლიციელზე თავდასხმის ბრალდებით ერთი ადამიანი დააკავეს.
