დღეის მდგომარეობით, პოლიციის 19 ატაშეს მიერ იფარება 38 სახელმწიფო და ორი საერთაშორისო ორგანიზაცია – ევროპოლი და ნატო, – ამის შესახებ შინაგან საქმეთა მინისტრობის კანდიდატმა, ვახტანგ გომელაურმა პარლამენტში, მთავრობისთვის ნდობის გამოცხადების ფორმატში მოხსენებით წარდგენისას განაცხადა.
საერთაშორისო საპოლიციო თანამშრომლობაზე საუბრისას გომელაურმა აღნიშნა, რომ სამინისტროსთვის ერთ-ერთ პრიორიტეტს წარმოადგენს პოლიციის ატაშეების ქსელის გაფართოება.
„მინდა, ვისაუბრო საერთაშორისო საპოლიციო თანამშრომლობაზე. შინაგან საქმეთა სამინისტროსთვის ერთ-ერთ პრიორიტეტს წარმოადგენს პოლიციის ატაშეების ქსელის გაფართოება. დღეის მდგომარეობით, პოლიციის 19 ატაშეს მიერ იფარება 38 სახელმწიფო და ორი საერთაშორისო ორგანიზაცია – ევროპოლი და ნატო“, – განაცხადა ვახტანგ გომელაურმა.
