სამძიმარი ქალბატონის ოჯახს, რომელიც ტრაგიკული შემთხვევის შედეგად ავარიაში გარდაიცვალა, – განაცხადა საპარლამენტო უმრავლესობის ლიდერმა, ფრაქცია „ქართული ოცნების“ თავმჯდომარემ და პარტიის აღმასრულებელმა მდივანმა მამუკა მდინარაძემ დღეს გამართულ პრესკონფერენციაზე.
როგორც მან აღნიშნა, შვილმა არ იკადრა ტყუილი და თქვა, რომ ეს იყო ტრაგედია, ნუ გამოიყენებთო.
„თქვენ წარმოიდგინეთ, ის ადამიანი, შვილი, რომელიც, აქციაზეც იმყოფებოდა, რომ არ აღმოჩენილიყო ისეთი ადამიანი, რომელმაც არ იკადრა რაღაცები, რაც იკადრეს აქციის ორგანიზატორებმა, რა მოცემულობა შეიძლებოდა მიგვეღო. დილიდან დაიწყეს პოსტების დადება, ტრაგედიით სარგებლობა. ერთი სული აქვთ მსხვერპლი როდის იქნება და აი, მტკიცებულება. უხარიათ მსხვერპლი. პოსტი გამოუქვეყნებია შვილს, რომელმაც არ იკადრა, რომ დედამისის თავს დამტყდარი ეს უკიდურესი, უდიდესი ტრაგედია და უბედურება ვინმეს გამოეყენებინა პოლიტიკური მიზნებისათვის. არ იკადრა უბრალოდ შვილმა, თორემ სხვა შემთხვევაში უკვე ნახევრად რეალიზებული იქნებოდა, მსხვერპლს რომ ითხოვდნენ, ეს ამბავი.
არ გაჩერებულან დილიდან, შვილის ამ პოსტამდე არ გაჩერებულან. ისედაც ხომ ძალიან ცუდია ამბავია, დრამატული ამბავია, რომ ადამიანი ავარიაში დაიღუპა. ამის კიდევ უფრო დრამატიზება მიდიოდა, რომ აქციაზე შვილი სცემეს. არავის ვუცემივარო, ნუ იტყუებითო, შერცხვა იმ ადამიანს სხვისი ტყუილის გამო. არ იკადრა, არ თქვა ტყუილი და თქვა, რომ ეს იყო ტრაგედია და ამას ნუ გამოიყენებთო. უბრალოდ, ამან შეაჩერა, თორემ ყველაფრის მკადრებლები არიან რეალურად“, – აღნიშნა მამუკა მდინარაძემ.
