სასოწარკვეთილებაა მათ რიგებში იმიტომ, რომ ფული შემცირდა. იმიტომ, რომ ევროპულმა რამდენიმე ფონდმა, რომელმაც ჩაანაცვლა გარკვეულწილად USAID-ის და NED-ის დაფინანსებები, თავის თავზე აიღო ეს მისია, თუმცა, სამწუხაროდ კლავ ახერხებენ სხვა ეგიდით სხვა მიზნობრიობის თანხის მიღებას, – განაცხადა „ქართული ოცნების“ აღმასრულებელმა მდივანმა, საპარლამენტო უმრავლესობის ლიდერმა, ფრაქცია „ქართული ოცნების“ თავმჯდომარემ მამუკა მდინარაძემ მედიასთან საუბრისას.
„ის ძალა, რაც უფრო დიდ ფულს ჰქონდა, აღარ აქვთ. ეს ძალიან კარგია ჩვენი ქვეყნისთვის და ამავდროულად ამერიკის შეერთებული შტატების ახლად არჩეული პრეზიდენტისა და ახალი ადმინისტრაციის მიერ ეს სქემა იქნა გაშიფრული და მხილებული. ამან შეასუსტა სწორედ დარტყმის ძალები, თუმცა ისინი ყოველდღიურად ამ პანიკური და აგონიური სიტუაციიდან გამომდინარე ახალ-ახალ აღიარებებს დებენ. რაში სჭირდებათ, რას აკეთებენ, რას ვერ აკეთებენ, ერთმანეთს უპირისპირდებიან, ერთმანეთს ლანძღავენ და ამუნათებენ. ზოგი მერე სიმართლის თქმის ხასიათზე დადგება, რომ ასე ჩვენ ამათ ვერ მოვერევით და სინამდვილეში ჩვენზე კი არ ლაპარაკობენ, საუბრობენ საკუთარ სამშობლოსა და სახელმწიფოზე. ამ შემთხვევაში მორევა გულისხმობს, საქართველოს უნდათ, რომ მოერიონ, მის დამოუკიდებლობას და სუვერენიტეტს.
ჩვენ ამ მიზნის ქვეშ ვერთიანდებით. მთავარი იდეა არის ქვეყნის მეტი დამოუკიდებლობა იმისათვის, რომ თავიც გადავირჩინოთ, ეკონომიკაც განვავითაროთ, უკეთესად იცხოვროს ჩვენმა მოქალაქემ, ევროპაში კვლავ პირველები ვიყოთ ეკონომიკური ზრდის მაჩვენებლით, ამ გლობალური ტურბულენტობის და გარშემო ომების ფონზე და გავაგრძელოთ ასე განვითარება. რაც მთავარია შევინარჩუნოთ ჩვენი იდენტობა, ჩვენი კულტურა და არ დაემუქროს არანაირი საფრთხე არც მამულს, არც ენას და არც სარწმუნოებას. განვითარდეთ, წარსულს პატივი ვცეთ და მომავალზე ვიზრუნოთ ღირსეულად“, – აღნიშნა მამუკა მდინარაძემ.
