პარტია „ქართული ოცნების“ აღმასრულებელმა მდივანმა, საპარლამენტო უმრავლესობის ლიდერმა, ფრაქცია „ქართული ოცნების“ თავმჯდომარემ მამუკა მდინარაძემ გადაცემაში „იმედი LIVE“ განაცხადა, რომ თვითმმართველობის არჩევნებში ის ოპოზიციური პარტია მიიღებს მონაწილეობას, ვინც რაღაც დავალებას და შესაბამის თანხას მიიღებს.
„ოპოზიციას ვინ ეკითხება თვითმმართველობის არჩევნებში მიიღებს თუ არა მონაწილეობას, რასაც დაავალებენ იმას გააკეთებენ. მათ ერთადერთი უფლება აქვთ, შეეკამათონ, თუ ფულს არ მისცემენ ასე მონაწილეობას როგორ მივიღებთო“, – აღნიშნა მამუკა მდინარაძემ.
გადაცემის წამყვანის კითხვაზე, დღევანდელი მოცემულობით ოპოზიციური პარტიებიდან ვინ მიიღებს თვითმმართველობის არჩევნებში მონაწილეობას, მამუკა მდინარაძემ უპასუხა: ის, ვინც მიიღებს რაღაც დავალებას და შესაბამის თანხას.
„ნაციონალური მოძრაობა“ დანაყოფ პარტიებსა და კოლეგა ოპოზიციონერებს თვითმმართველობის არჩევნების ბოიკოტისკენ მოუწოდებს. ოპოზიციაში აზრთა სხვაობაა. ნაწილი ირწმუნება, რომ 4 ოქტომბრის არჩევნებში მონაწილეობას არ იღებს. „ლელომ “კი პოზიცია შეარბილა.
