მადლობას ვუხდი გულთბილი საქართველოდან ჩამოსულ მთავრობას, თქვენ ხართ შესანიშნავი სტრატეგიული პარტნიორი, – განაცხადა უნგრეთის პრემიერ-მინისტრმა ვიქტორ ორბანმა საქართველოს პრემიერ-მინისტრ ირაკლი კობახიძესთან ერთად გამართულ პრესკონფერენციაზე.
როგორც ვიქტორ ორბანმა აღნიშნა, ირაკლი კობახიძესთან შეთანხმდა, რომ საქართველო და უნგრეთი გააგრძელებს სტრატეგიულ თანამშრომლობას.
„მე და საქართველოს პრემიერ-მინისტრი შევთანხმდით, რომ სტრატეგიულ თანამშრომლობას გავაგრძელებთ ორ ქვეყანას შორის. ეს იყო მეორე მთავრობათაშორისი სამიტი. პირველი იყო საქართველოში, ჩვენი მასპინძელი იყო საქართველოს მთავრობა. ახლა ჩვენ ვართ მასპინძლები. მადლობა გადავუხადე გულთბილი საქართველოდან ჩამოსულ მთავრობას. თქვენ ხართ შესანიშნავი სტრატეგიული პარტნიორი. დიდი მადლობა“, – განაცხადა ვიქტორ ორბანმა.
