„აპარტ დეველოპმენტს“ და მის დამფუძნებელს ბექა ხოფერიას არანაირი სამართლებრივი და კომერციული კავშირი არ აქვს ,,ლისი ცაცხვების” პროექტთან

„აპარტ დეველოპმენტის“ განცხადებით, ბოლო დღეებში გავრცელებული ინფორმაცია, რომ პროექტი ,,ლისი ცაცხვები” წარმოადგენს ბექა ხოფერიას პროექტს, სიმართლეს არ შეესაბამება.

როგორც გავრცელებულ განცხადებაშია აღნიშნული, ბექა ხოფერია არ წარმოადგენს და არ ასოცირდება შპს „შენი დეველოპერის“ საქმიანობასთან და კომპანია „აპარტ დეველოპმენტი“ არ აგებენ პასუხს სხვა კომპანიის მიერ განხორციელებულ სამშენებლო პროცესსა თუ მის შედეგებზე.

“ბოლო დღეებში გავრცელებული ცრუ ინფორმაციის პასუხად, გვსურს განვმარტოთ, რომ შპს „აპარტ დეველოპმენტს“ და მის დამფუძნებელს ბექა ხოფერიას არანაირი სამართლებრივი და კომერციული კავშირი არ აქვს შპს „შენი დეველოპერთან“ , რომელიც ახორციელებს მშენებლობას თბილისში, ცაცხვების VIII შესახვევი N25-ში, პროექტი ,,ლისი ცაცხვები”.

ბექა ხოფერია არც წარმოადგენს და არც ასოცირდება შპს „შენი დეველოპერის“ საქმიანობასთან, რის გამოც  კომპანია „აპარტ დეველოპმენტი“ არ აგებენ პასუხს აღნიშნული კომპანიის მიერ განხორციელებულ სამშენებლო პროცესსა თუ მის შედეგებზე.

ნებისმიერი საკითხით, კითხვით ან პრეტენზიით, რომელიც უკავშირდება ცაცხვების VIII შესახვევში მიმდინარე მშენებლობას, გთხოვთ, მიმართოთ უშუალოდ შპს „შენი დეველოპერის“ წარმომადგენლებს.”