პარლამენტი სახელმწიფო უსაფრთხოების სამსახურის უფროსს დღეს აირჩევს. მამუკა მდინარაძის კანდიდატურას დეპუტატები კენჭს პლენარულ სხდომაზე უყრიან.
მანამდე კი მამუკა მდინარაძე უწყების მუშობასთან დაკავშირებით საკუთარ გეგმებს და ხედვებს თავდაცვის კომიტეტის სხდომაზე წარადგენს. მოსმენა კომიტეტზე დახურულ ფორმატში უკვე დაიწყო.
პარლამენტის თავდაცვისა და უსაფრთხოების კომიტეტის თავმჯდომარე, ალექსანდრე ტაბატაძე მიიჩნევს, რომ მდინარაძეს აქვს ყველა ის უნარი, რომელიც სახელმწიფო უსაფრთხოების სამსახურის ხელმძღვანელს სჭირდება.
“მამუკა მდინარაძეს ექნება სრული მხარდაჭერა. იგი წლების განმავლობაში იყო ჩვენი უმრავლესობის ლიდერი და ვიტყოდი, რომ ის ერთ-ერთი საუკეთესო ლიდერი იყო, რომელიც ბოლო წლებში “ქართულ ოცნებას- დემოკრატიულ საქართველოს” ჰყავდა.
ვფიქრობთ, იგი იქნება სახელმწიფო უსაფრთხოების სამსახურის წარმატებული უფროსი, ვინაიდან მას აქვს ყველა ის თვისება, რომელიც უნდა ახასიათებდეს ადამიანს, რომელსაც უყვარს თავის სამშობლო.
მას აქვს სამართალდამცავ ორგანოში მუშაობის, როგორ თეორიული ასევე პრაქტიკული გამოცდილება. ყველა კრიტერიუმს, რომელიც უნდა ახასიათებს ქვეყნის ეროვნული უსაფრთხოების სამსახურს, ბატონი მამუკა მდინარაძე ფლობს”, – განაცხადა ალექსანდრე ტაბატაძემ.
