სანქციები არსებობს, მათ შორის, დე-ფაქტო სანქციები არსებობს ბიძინა ივანიშვილის წინააღმდეგ და ამას არ მოჰყოლია არავითარი ანტისახელმწიფოებრივი ნაბიჯი, ბუნებრივია, ბიძინა ივანიშვილის მხრიდან, – განაცხადა პრემიერ-მინისტრმა ირაკლი კობახიძემ შესაძლო სანქციებთან დაკავშირებით ჟურნალისტის მიერ დასმული კითხვის პასუხად.
მთავრობის მეთაურის თქმით, ბიძინა ივანიშვილი ყველა ნაბიჯს დგამს ეროვნული ინტერესების შესაბამისად და ვერავითარი შანტაჟი ვერ ჭრის მის წინააღმდეგ.
„ის ყველა ნაბიჯს დგამს ეროვნული ინტერესების შესაბამისად, ვერავითარი შანტაჟი ვერ ჭრის ბიძინა ივანიშვილის წინააღმდეგ. აქედან გამომდინარე, სანქციები არ არის საინტერესო, თქვენ ცდილობთ, რომ ხელოვნურად წამოწიოთ ეს თემა“, – აღნიშნა პრემიერმა.
