მგონია, რომ მომავალი წელი ბევრი ცვლილებით იქნება დატვირთული, მათ შორის ევროკავშირის ნაწილში, ვნახოთ, პროცესები როგორ განვითარდება, ჩვენ ყველანაირად უნდა ვცადოთ ევროკავშირთან ურთიერთობების დალაგება, – განაცხადა გადაცემაში „იმედი Lივე” საქართველოს პრემიერ მინისტრმა ირაკლი კობახიძემ.
როგორც მთავრობის მეთაურმა აღნიშნა, საქართველო ყველანაირად ეცდება ევროკავშირთან ურთიერთობების დალაგებას.
„ჩვენ ფრთხილი და სტრატეგიული მოთმინებით ველოდებით დამოკიდებულების ცვლილებას, ვნახოთ, როგორ წარიმართება ეს პროცესები. მე მგონია, რომ მომავალი წელი ბევრი ცვლილებით იქნება დატვირთული, მათ შორის ევროკავშირის ნაწილში და ვნახოთ პროცესები როგორ განვითარდება. გამომდინარე იქიდან, რომ ევროპულ ბიუროკრატიას არ აქვს სუვერენულად მოქმედების რესურსი, შეიძლება, ოპტიმიზმს არ ჰქონდეს იმდენად მყარი საფუძველი, მაგრამ ვნახოთ, ოპტიმისტურად შევხედოთ მომავალს. ჩვენ ყველანაირად უნდა ვცადოთ ევროკავშირთან ურთიერთობების დალაგება“, – განაცხადა ირაკლი კობახიძემ.
