2300 ნარკორეალიზატორი გავუშვით ციხეში 8 თვის განმავლობაში, ეს არის პასუხი სპეკულაციაზე, ჩვენ გვაქვს მარტივი ამოცანა, აქ გვინდა გარდამტეხი ცვლილებების მიღწევა, თავად დანაშაულთან ბრძოლის კუთხით ეს შედეგები მიღწეულია, – განაცხადა საქართველოს პრემიერ-მინისტრმა ირაკლი კობახიძემ პარლამენტში, ინტერპელაციის წესით გამოსვლისას.
როგორც მთავრობის მეთაურმა აღნიშნა, ნარკოტიკებთან ბრძოლა მიდის სხვა ფორმით ე.წ. ლეგალური ფორმით და სწორედ ამისათვის აიკრძალა კერძო სუბიექტების მიერ ფსიქოტროპული მედიკამენტების შემოტანა.
„ვფიქრობ, ნარკოტიკები ნამდვილად არ არის გასული რამდენიმე თვის მონაცემების მიხედვით, ოპოზიციის ძლიერი მხარე, როდესაც აქ ითქვა, რომ მფარველობს თითქოს ხელისუფლება ნარკოტიკებს. არც ერთი ხელისუფლება, რომელიც მფარველობს ნარკოტიკულ დანაშაულს, ციხეში არ უშვებს 2300 ნარკორეალიზატორს 8 თვის განმავლობაში. 2300 ნარკორეალიზატორი გავუშვით ციხეში 8 თვის განმავლობაში. ეს არის მარტივ პასუხი სპეკულაციაზე. ჩვენ გვაქვს მარტივი ამოცანა, აქ გვინდა გარდამტეხი ცვლილებების მიღწევა. თავად დანაშაულთან ბრძოლის კუთხით ეს შედეგები მიღწეულია.
რეალიზატორების დაკავების გარდა. ასევე მინდა, შეგახსენოთ, რომ ჩვენ ვებრძოდით სხვა ფორმით ე.წ. ლეგალური ფორმით ნარკოტიკების რეალიზაციის პრაქტიკასაც და სწორედ ამისათვის აიკრძალა კერძო სუბიექტების მიერ ფსიქოტროპული მედიკამენტების შემოტანა ჩვენს ქვეყანაში და ასევე აიკრძალა კერძო სუბიექტების მიერ ჩანაცვლებითი თერაპიის განხორციელება, რაც რეალურად ეჭვი გვაქვს, რომ გამოიყენებოდა ნარკოტიკების ლეგალური რეალიზაციისთვის. ეს პრაქტიკაც მთლიანად ჩაიკეტა.
მე არ მინდა ბევრი მადლობაც გამომივიდეს, მაგრამ არ შემიძლია შინაგან საქმეთა მინისტრს არ გადავუხადო განსაკუთრებული მადლობა, რომელმაც ნამდვილად გადამჭრელი ზომები მიიღო ნარკოტიკული დანაშაულის წინააღმდეგ. დღევანდელი დღეც ამის დასტურია. მარტო დრეს 97 პირი იქნა დაკავებული. მათგან უდიდესი უმრავლესობა არიან სწორედ ნარკოტიკულ დანაშაულში ჩართული პირები, ნარკორეალიზატორები“, – განაცხადა ირაკლი კობახიძემ.
