ევროპული პოლიტიკური გაერთიანების (EPC) სამიტის ფარგლებში საინტერესო საუბრები გვქონდა ევროპელ ლიდერებთან ყველა თემასთან დაკავშირებით, რაც არის საინტერესო ჩვენი ქვეყნისთვის, – ამის შესახებ საქართველოს პრემიერ-მინისტრმა, ირაკლი კობახიძემ სომხეთში ჟურნალისტებს განუცხადა.
მისივე თქმით, გამოსვლა ჰქონდა მრგვალი მაგიდის ფორმატშიც, სადაც საუბარი იყო დაკავშირებადობის საკითხზე.
„მეხუთედ ვიღებ ამ სამიტში მონაწილეობას. მოხარული ვარ, რომ ამ შემთხვევაში ჩვენს მეზობელ ქვეყანაში, სომხეთში იმართება ეს სამიტი. ტრადიციულად გამოვიყენეთ ეს პლატფორმა. მრგვალი მაგიდის ფორმატში მქონდა გამოსვლა, სადაც საუბარი იყო დაკავშირებადობის საკითხზე, განსაკუთრებით, ენერგეტიკის მიმართულებით და ჩვენი ხედვები გავუზიარეთ კოლეგებს. ასევე, ამ ფორმატში გვაქვს ხოლმე საშუალება, ბევრ ლიდერს გავესაუბროთ და ეს შესაძლებლობაც მაქსიმალურად გამოვიყენეთ“, – განაცხადა პრემიერმა.
