შაბათი, ივნისი 22, 2024
Google search engine
Homeმთავარი ამბავისაგანგებო სიტუაციების მართვის სამსახურმა ახალი სახანძრო ავტომანქანები შეიძინა

საგანგებო სიტუაციების მართვის სამსახურმა ახალი სახანძრო ავტომანქანები შეიძინა

შინაგან საქმეთა სამინისტროს საგანგებო სიტუაციების მართვის სამსახურმა შეიძინა ათი ახალი სახანძრო ავტომანქანა, რომლებიც, ქვეყნის მასშტაბით, რეგიონებში გადანაწილდება.

შინაგან საქმეთა სამინისტროს ინფორმაციით, ახალი, მაღალი გამავლობის სახანძრო ავტომანქანები განკუთვნილია ტყის ხანძრების წინააღმდეგ ბრძოლისთვის და თანამედროვე ტექნიკური მახასიათებლები აქვს.

მათივე ცნობით, შინაგან საქმეთა მინისტრის მოადგილემ, იოსებ ჭელიძემ და საგანგებო სიტუაციების მართვის სამსახურის უფროსმა, თემურ მღებრიშვილმა, განსაკუთრებულ სიტუაციებზე რეაგირების მთავარი სამმართველოს ბაზაზე ახალი სახანძრო ავტომობილები დაათვალიერეს, მათ ფუნქციურ და ტექნიკურ მახასიათებლებს პირადად გაეცნენ.

„შინაგან საქმეთა სამინისტროს საგანგებო სიტუაციების მართვის სამსახური აქტიურად განაგრძობს სახანძრო-სამაშველო ავტოპარკის განახლებას. საგანგებო სიტუაციებზე რეაგირების ხარისხის გაუმჯობესების მიზნით დაგეგმილია აღჭურვილობისა და სპეცტექნიკის განახლების არაერთი პროექტი“, – აცხადებენ შსს-ში.

- Advertisment -
Google search engine

პოპულარული

>