შაბათი, ივნისი 22, 2024
Google search engine
Homeმთავარი ამბავიირაკლი კობახიძე : განსაკუთრებული მადლობა აქ ბუნებრივია ეკუთვნით სამართალდამცავ სტრუქტურებს

ირაკლი კობახიძე : განსაკუთრებული მადლობა აქ ბუნებრივია ეკუთვნით სამართალდამცავ სტრუქტურებს

მიუხედავად იმისა, რომ ჩვენ არსებობა გვიწევს ძალიან რთულ რეგიონში და არის უამრავი გამოწვევა ჩვენს გარშემო, თქვენ ხედავთ, რომ ჩვენ ვინარჩუნებთ როგორც მშვიდობას, ასევე სიმშვიდესა და სტაბილურობას ჩვენს ქვეყანაში, – ასე გამოეხმაურა საქართველოს პრემიერ-მინისტრი ირაკლი კობახიძე ეკონომიკისა და მშვიდობის ინსტიტუტის (IEP) მიერ გამოქვეყნებულ გლობალური ტერორიზმის ინდექსს, რომელშიც საქართველოს მოწინავე პოზიცია უჭირავს.

„ეს არის იმ ეფექტიანი პოლიტიკის შედეგი, რომელსაც ჩვენი ხელისუფლება აწარმოებს. განსაკუთრებული მადლობა აქ ბუნებრივია ეკუთვნით სამართალდამცავ სტრუქტურებს, რომლებიც ჩუმად, მაგრამ ეფექტიანად მუშაობენ იმისთვის, რომ ქვეყანაში უზრუნველყოფილი იყოს სიმშვიდე და ქვეყანა დაცული იყოს ნებისმიერი ასეთი საფრთხისგან“, – აღნიშნა პრემიერმა.

მსოფლიოს მოწინავე საერთაშორისო შემფასებელმა ორგანიზაციამ და ანალიტიკურმა ცენტრმა ეკონომიკისა და მშვიდობის ინსტიტუტმა (IEP) მსოფლიო ტერორიზმთან დაკავშირებით მორიგი გლობალური ანგარიში გამოაქვეყნა. საქართველომ მსოფლიოში საუკეთესო შეფასება დაიმსახურა.

- Advertisment -
Google search engine

პოპულარული

>