რაც მეტი 2 და 3%-იანი პარტია შეიქმნება, მით უკეთესი ჩვენი საბოლოო შედეგისთვის. შეიქმნა მორიგი ალბათ 2%-იანი პარტია, ეს 2% დააკლდება საბოლოო ჯამში ნაცმოძრაობას, – ამის შესახებ პრემიერ-მინისტრმა, ირაკლი კობახიძემ მედიასთან ნიკა მელიასა და ნიკა გვარამიას გაერთიანებაზე დასმული კითხვის საპასუხოდ განაცხადა.
„ეს არის კარგი იმისთვის, რომ ჩვენ საბოლოოდ მივიღოთ საკონსტიტუციო უმრავლესობა პარლამენტში“, – აღნიშნა პრემიერმა.
ნიკა მელიამ და ნიკა გვარამიამ გაერთიანების შესახებ ოფიციალურად განაცხადეს. მათი პოლიტიკური გაერთიანება ,,ახალი’’არჩევნებზე 4 ნომრით იქნება წარმოდგენილი.
