დიდი მადლობა მინდა გადავუხადო ბატონ პრემიერს. ასევე მთლიან საქართველოს გუშინდელი დახვედრისთვის, რამაც ყველანაირ მოლოდინს გადააჭარბა, – ამის შესახებ UFC-ის ჩემპიონმა, ილია თოფურიამ პრემიერ-მინისტრთან შეხვედრის შემდეგ განაცხადა.
„ჩემთვის ძალიან მნიშვნელოვანია, რომ ორივე ქვეყნის მოქალაქეობა შევინარჩუნო. უდიდესი მადლობა ყურადღებისთვის ყოველთვის“, – აღნიშნა თოფურიამ.
UFC-ის ჩემპიონი, რომელიც საქართველოში პრემიერ-მინისტრის მოწვევით ჩამოვიდა, 21 მარტს საქართველო-ლუქსემბურგის საფეხბურთო მატჩზე, საჩემპიონო ქამარს წარადგენს.
