რობინ დანიგანი ადგილზე გაეცნო, როგორ ეხმარება აშშ-ის მხარდაჭერა საქართველოს ეროვნულ პარკებსა და აქ მომუშავე რეინჯერებს

დიდი მადლობა ბორჯომს დაუვიწყარი მასპინძლობისთვის. ელჩი დანიგანი შეხვდა ბორჯომის მუნიციპალიტეტის მერს, ოთარ არბოლიშვილს, და დაცული ტერიტორიების ეროვნული სააგენტოს წარმომადგენლებს მიმდინარე გეგმებისა და პროექტების განსახილველად. ელჩი დანიგანი თბილისის პოლიტიკური სწავლების სკოლის სემინარს დაესწრო და მომავალ ლიდერებს დებატების კულტურისა და დემოკრატიის მნიშვნელობაზე ესაუბრა. გარემოს დაცვისა და სოფლის მეურნეობის მინისტრის მოადგილე თანდილაშვილთან, დაცული ტერიტორიების სააგენტოსა და ეროვნული სატყეო სააგენტოს თანამშრომლებთან ერთად ბორჯომის ულამაზესი პარკის დათვალიერებისას ელჩი ადგილზე გაეცნო, როგორ ეხმარება აშშ-ის მხარდაჭერა საქართველოს ეროვნულ პარკებსა და აქ მომუშავე რეინჯერებს. განსაკუთრებით ამაღელვებელი იყო გორის გოგონათა გუნდისა და განუმეორებელი ნიკოლოზ რაჭველის მოსმენა – მათ მიერ გაწეული დიდი შრომა ყველა ნოტში ამოიცნობოდა. – ინფორმაციას აშშ-ის საელჩო ავრცელებს.